ਮਿਸ਼ਨ ਸਮਰੱਥ 4.0 (ਸੈਸ਼ਨ 2026-27): ਜਾਣ-ਪਛਾਣ ਅਤੇ ਮੁੱਖ ਹਦਾਇਤਾਂ

ਮਿਸ਼ਨ ਸਮਰੱਥ 4.0 (ਸੈਸ਼ਨ 2026-27): ਜਾਣ-ਪਛਾਣ ਅਤੇ ਮੁੱਖ ਹਦਾਇਤਾਂ

ਪੰਜਾਬ ਦੇ ਸਮੂਹ ਸਰਕਾਰੀ ਸਕੂਲਾਂ ਵਿੱਚ ਜਮਾਤ ਤੀਜੀ ਤੋਂ ਅੱਠਵੀਂ ਦੇ ਵਿਦਿਆਰਥੀਆਂ ਲਈ ਮਿਸ਼ਨ ਸਮਰੱਥ 4.0 ਦੀ ਸ਼ੁਰੂਆਤ ਕੀਤੀ ਜਾ ਰਹੀ ਹੈ। ਇਸ ਮਿਸ਼ਨ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਨੂੰ ਪੰਜਾਬੀ, ਗਣਿਤ ਅਤੇ ਅੰਗਰੇਜ਼ੀ ਦੀਆਂ ਮੁਢਲੀਆਂ ਕੁਸ਼ਲਤਾਵਾਂ ਵਿੱਚ ਨਿਪੁੰਨ ਕਰਨਾ ਹੈ। ਸੈਸ਼ਨ 2026-27 ਵਿੱਚ ਇਹ ਪ੍ਰੋਗਰਾਮ ਅਪ੍ਰੈਲ ਅਤੇ ਮਈ ਮਹੀਨੇ ਦੌਰਾਨ ਵਿਸ਼ੇਸ਼ ਤੌਰ ‘ਤੇ ਚਲਾਇਆ ਜਾਵੇਗਾ।

ਮਿਸ਼ਨ ਦੀ ਲੋੜ ਅਤੇ ਪਿਛੋਕੜ

ਵਿਭਾਗ ਅਨੁਸਾਰ ਮਿਸ਼ਨ ਸਮਰੱਥ 3.0 ਦੇ ਸਾਰਥਕ ਨਤੀਜੇ ਸਾਹਮਣੇ ਆਏ ਹਨ, ਪਰ ਕੁਝ ਵਿਦਿਆਰਥੀ ਅਜੇ ਵੀ ਨਿਰਧਾਰਿਤ ਟੀਚੇ ਪ੍ਰਾਪਤ ਨਹੀਂ ਕਰ ਸਕੇ। ਇਸ ਲਈ ਅਧਿਆਪਕਾਂ ਅਤੇ ਸਕੂਲ ਮੁਖੀਆਂ ਦੇ ਫੀਡਬੈਕ ਦੇ ਅਧਾਰ ‘ਤੇ ਇਹਨਾਂ ਕੁਸ਼ਲਤਾਵਾਂ ਨੂੰ ਸਥਾਈ ਕਰਨ ਲਈ ਫੇਜ਼-4.0 ਨੂੰ ਨਵੀਂ ਰੂਪ-ਰੇਖਾ ਨਾਲ ਲਾਗੂ ਕੀਤਾ ਗਿਆ ਹੈ।

ਸਕੂਲ ਮੁਖੀਆਂ ਅਤੇ ਅਧਿਆਪਕਾਂ ਲਈ ਜ਼ਰੂਰੀ ਨੁਕਤੇ:

• ਈ-ਪੰਜਾਬ ਡਾਟਾ ਅਪਡੇਟ: ਦੂਜੀ ਤੋਂ ਸੱਤਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਅਗਲੀ ਜਮਾਤ ਵਿੱਚ ਟ੍ਰਾਂਸਫਰ ਕਰਨ ਦਾ ਕੰਮ ਜਲਦ ਮੁਕੰਮਲ ਕੀਤਾ ਜਾਵੇ।
• ਸਿੱਖਣ ਸਮੱਗਰੀ (TLM): 01-04-2026 ਨੂੰ ਬੀ.ਪੀ.ਈ.ਓ. ਦਫ਼ਤਰ ਤੋਂ ਪ੍ਰਾਪਤ ਵਰਕਬੁੱਕਾਂ ਅਤੇ ਹੋਰ ਸਮੱਗਰੀ ਬੱਚਿਆਂ ਨੂੰ ਵੰਡਣੀ ਯਕੀਨੀ ਬਣਾਈ ਜਾਵੇ।
• ਅਧਿਆਪਕ ਟ੍ਰੇਨਿੰਗ: ਜਿਨ੍ਹਾਂ ਅਧਿਆਪਕਾਂ ਨੇ ਅਜੇ ਤੱਕ ਮਿਸ਼ਨ ਸਮਰੱਥ ਦੀ ਟ੍ਰੇਨਿੰਗ ਨਹੀਂ ਲਈ, ਉਹ ਤੁਰੰਤ ਆਪਣੇ ਬੀ.ਆਰ.ਸੀ. (BRC) ਨਾਲ ਸੰਪਰਕ ਕਰਨ।
• ਬੇਸਲਾਈਨ ਟੈਸਟਿੰਗ: ਨਵੇਂ ਸੈਸ਼ਨ ਦੇ ਸ਼ੁਰੂ ਵਿੱਚ ਹੀ ਬੱਚਿਆਂ ਦਾ ਬੇਸਲਾਈਨ ਟੈਸਟ ਲਿਆ ਜਾਵੇਗਾ ਤਾਂ ਜੋ ਉਹਨਾਂ ਦੇ ਸਿੱਖਣ ਪੱਧਰ ਦਾ ਪਤਾ ਲੱਗ ਸਕੇ।